السلام عليكم ورحمة الله وبركاته

كل عام وأنتم بألف خير بمناسبة قرب عيد الفطر , كما أُعزي الجميع بقرب انتهاء شهر رمضان المبارك أعاده الله علينا ونحن بأفضل حال وإياكم وجميع المسلمين .

طبعاً رح ابتدي هذا الموضوع بسالفه >> الله يعينكم

الا وهي إني سويت حملة لاللخلاقين ( ونزلت موضوع بهذا الأسم هع هع ) وهذي الحمله لها تقريباً شهرين


وتنص هذي الحمله على التخلص من القراشيع والخلاقين الي مالها داعي وماليه الدولاب على الفاضي


وشملت هذه الحمله أدراج التسريحه والمكياج والاكسسوارات والعطور وكل أبو شيء يميل للخلقنه أو مشارك فيها .

ويمكن تتساءلون وش الي جاب الخلاقين عندك !!


أنا أجاوبكم <<

كنت اشتري اي شيء يعجبني بدون تفكير يعني بلوزه بدون تنوره وتنوره بدون بلوزه وهكذا وتعالوا شوفوا الحصيله الناتجه عن هذا التكديس !!

أكيد إنكم بعد تتساءلون >> وش دخل هالسالفه بمكياجك الجديد

وكذلك المكياج له نصيب من التكديس فلانه مدحت هالمسكره ركض ع السوق , وعلانه مدحت بودره ركض على الي أنتم خابرينه بدون تفكير حتى بدون ما اجرب هو يناسب لي أو لا بمجرد مدح اركض خخخخخ


ونتج عن هالركض مكياج مال أمه داعي مالي دولابين من التسريحه لكن للأسف بدون استخدام

او مستخدم مره وحده أو يوم شريته عقب المدح ما اعجبن وضاعت فلوسي بهالخربطه ناهيكم عن بعض المكياج الي إنتهت مدة صلاحيته

فقررت إني أرمي كل هالمخزون المكياجي الي ماينفع وما استخدم منه إلا أشياء معدوده وأشتري جديد بس بشرررررررررررط مهم

إني أكون مجررررررربته قبل ما اشتريه

فكانت رحلتي لسوق غرناطه بالرياض وعملت بنصيحة الأخت الشيهانـــة الله يسعدها وين ماراحت

ونصيحتها تنص على إنك تاخذين معك علب صغار تحطين فيهم من التستر الي عند أي ماركة مكياج وتجربينها بدورات المياة أو غرف القياس ..

وبالفعل أخذت علب الفانليا وصرت احط فيها وأجرب لين وقع الإختيار على الأساس الي ابعرض لكم إياه

والباقي جربته في نفس المحل بس على جنب ومعي خواتي يغطون علي ومعروف دبنهامز كبييير وفيه إمكانية التجريب ..

ورح نبدأ بالموضوع لأن الكلام السابق كله مقدمه خخخخخخخخ


بسم الله الرحمن الرحيم


x ماشاء الله تبارك الله x


أول محل دخلته DEBENHAMS دبنهامز

لوجود أغلب الماركات فيه أمثال


Estée Lauder = استي لودر

Yves Saint-Laurent = إيف سان لوران

Dior = ديور

CHANEL = شانيل

CLINIQUE= كلينك

Maybeline = ميبلين

For ever = فور ايفر

LANCOME = لانكوم


هذي الماركات الي شفتها وأكيد فيه زيادة بس أنا مادرت عليها كلها بعد مالقيت الي ناسبني طلعت من المحل وأنا

نبدأ بصور مكياجي

هذي صور المجموعه الي أخذتها من دبنهامز



ورح أوضحها لكم بصور متفرقه


أولاً : الفاونديشن ( Foundation )



أخذت ليكويد من ديور SATIN درجتين أفتح درجة ودرجه أغمق مني بشوي علشان أسوي خلط بينهم فإذا بغيتها لمناسبه عاديه حطيت شوي من الفاتح وإذا بغيته لسهره أحط أكثر من اللون الفاتح والدرجتين هم 102 و202



وهذا نوع من التوفير بدل ما اخصص لكل مناسبه درجة اساس معينه ويمكن المناسبات ماتكون كثيره فيخرب الأساس من قل الإستعمال لذلك أتخذت هالطريقه وطبعاً أسعارهم الواحد بـ 215 يعني الأثنين بـ 430 ريال ..




وأخذت فوقها كومباكت بودر من فور إيفر رقم 2 بـ140 ريال ..

[ندعوك للتسجيل في المنتدى أو التعريف بنفسك لمعاينة هذا الرابط]


ثانياً : الكونسيلر ( Concealer )


بصراحه تعبت وأنا أدور كونسيلر يخفي الهالات السوداء وماخليت شيء وكلها تطلع الهالات رمادي


لين استعملت هذا البطل من ايف سان لوران رقم 3 بـ 175 ريال ( الي ع اليمين )




ثالثاً : الماسكرا (الي ع اليسار )


طبعاً معرووفه هالمسكرا إنها تكثف وتطول والأهم من كذا إنها ماتتكتل وهي كذلك من ايف سان لوران بـ 155 ريال..





رابعاً : الأي لاينر ( eye liner )
أخذت كحل قلم سايل من لانكوم ومعروفه جودة لانكوم بالكحل السايل أخذتها بـ 150 ريال ..




خامساً وأخيراً مريت ماك هع هع حبيب الملايين هنا




وأخذت منه كومباكت بودر ستديو فكس بس المحل كان زحمة وعطاني هالبودره بالغلط الي هي STUDIO TECH

( وأكيد هذا رح يكون لي درس إني أتأكد من الي يعطيني إياه البايع قبل ما اشتريه)

بصراحه هي بودرة مضغوطه مائية وأنا فكيتها وإلا كان رجعتها وأكيد ابستفيد منها لأنها تستخدم لوحدها وسعرها بـ 153 ريال ..


وبلاشر مشمي مررره جنان ب95 ريال ..


وفرشة بلاشر بـ 180 ريال رقمها 129


وبث ..



طبعاً مكياجي قليل أخذت الي أحتاجه بدون زيادة مالها داعي والأهم أني جربتها كلها بالسوق

وبالنسبه للأرواج عندي روج واحد شاريته من ماك قبل كم شهر وعندي قلوسات كثيييره من ديور وباليت من كراجا وكم روج من ماركات متفرقه منها الغالي ومنها الرخيص ..


والكحل داخل العين جربت أورفيليم روووووعه وأخذت منها 5 الوان (أسود - بني - موف - أخضر - أزرق )



اتمنى اشوف ردودكم التشجيعيه ع الحمله وعلى محاوله ترك الخلقنه والتجميع بلاحاجه ..


وأكييييييييد كلكم معي وتأيدوني