لوحات بانواع البنات .....

لوحات بانواع البنات .....

كل هم الراجل يعرف نوعية البنات ممكن نقول نوعية لانهم جد نوعية ونوعيات ايه تمام

نشوف بقى نوعيات البنات

البنت الدلوعة :

بتاعت مامي وبابي والكلام الفاضي ده تلاقيها يا عيني مش فاكرة من الكلام الا دول

وتيجي تحب تسميه بقى اشي مودي اشي توتي اشي مش عارف ايه ده يناسب الدلع

وطبعا لا ليها خبرة بمطبخ ولا بالبيت ابعد عن الصنف ده يجزبك بالاول ويجيب اخرك بسرعة

وياي وما تنسى تكون على مستوى الدلع يا عم سيبك يكون اسمها خديجة تقولك اسمي دودي ..

البنت القوية

يا لطيف على دي تقولها صباح الخير تقولك وانت مالك ال يعني عاملة جدعة وبنت بلد

سيبك يا عم منها بلاش تنضرب كل يوم القوة بنظرها تسليط لسان واللهم عافينا

يا عم البنت بانوثتها مش بصواريخ ترميها ...

البنت الهاي
دي بقى تتمنظر بالنوادي وعاملة فيها سوبر كلاس مخها يبقى فاضي ما فيوش غير ايشتي

وفيرامودا وكلام على الهلس والا**سوار تلاقيها بعربية مش عارفة ناقصها ايه ممكن تولع

فيها مش مهم هي هاي ومش حاتبص ناقصها ايه وتدخل عليك بالهاي وعينيها بتتامل بهدومك ماركة

ايه ان كن لابس جاك اند رول او لا كوست تعبرك بحتتين حنية دي يا ابني عمرها ما عرفت الفول

ولا العدس والطعمية يناسبها واحد من بتوع بونجور وكمون سافا وياي زيها زيه نيلة منيلة .

البنت الرومانسية
دي تبقى بقى عايشة بحليم وحصان ابيض ويا رب يا كريم تسرح طول الوقت مش عارفة هي فين

واحد مدوبها بكلمة وشايفة الدنيا تايتنيك تدور بكل كتاب عن كلام حب وغزل وتجمعه كراسة

وتعمل بنفسها جولييت والواد بقى عامل روميو وهي بالهوى طايرة يا بنتي صحصحي ده مك**** الحتة

وواخد كلامه من الافلام الهندي سيبك من اوهامه روحي اتعلمي واصحي كلام الحب الي حفظاه مش

ينفع الا تاخدي دور تمثليه بس نجبلك حليم منين ...

البنت العنيدة

يا خبر ابيض دي بقى مشكلة تقولها السما زرقا تقولك لا بيضا تجبلها الدليل تقولك كانت بيضا وازرقت

طيب يا ستي تعالي نروح السيما تقولك لا البحر اجمل ومن كتر عنادها مش واخدة بالها الدنيا

شتا والقيامة قايمة دي ان شالله تجبلك جلطة وهي بتقولك دي انفلونزا خفيفة اهرب يا عم وسيبك

اصلك مش حاتعرف توصل لقبلها كاتبة عليها قصيدة انا او انا ولا حد يقربلها .

البنت المدعية ثقافة

تسالها رايها بارسطو تقولك بيكتب جاذبية تعفي عن دي وتقولها ونجيب محفوظ ماله

تشرحلك محمود ياسين وفاتن حمامة يا عم اتاريها ثقافتها شاشة صغيرة قاعدة ليلها نهارها

تتعرف على افلامها تكلمها عن النت واستفادته تقولك النت بيقرب البعيد ويجيب اخره

انا مدمنة مطالعة ونت تقصد بكده افلام وميلات وشرفك مش عارفة الوندوز من جوجل

هما اتنين واخدينها هوت وياهو يدوبها وخدلك ثقافة يا معلم دي بقى تعملها تحفة ...

البنت الي عاملة متدينة
تقولها ازيك تقولك قال الرسول تقولها كنت فين تقولك قال الامام وربي ولا تعرف معنى الكلام

لابسالك حجاب ولافة نفسها ان جيت تكلمها عاوزاك بدقن وشنب وجلابية وقاعد ليل نهارك تلم

باقاويل نبوية وسايب شغلك وناسك المهم كده هي فاهمة دينها بالحكاية دي وتعالى اسالها

كم سؤال تتلعثم وتتحول للسؤال هي سيبك يا عن من ادعائها المتدين كلامه نور من غير زكائها ..

البنت الطموحة وعلى الموضة

لابسة من عند جارتها وتقولك سيمون فيله وكافيار بتحلم بقصور مفروشة وعندها يا دوب شقة مفروشة

شايفة الدنيا فلوس ومباني وعايشة صرعات الاغاني لازملها من بتوع البطلون المخروم ومامي ودادي

تلاقيه زي الحمار شغال ليل نهار وعامل نفسه باشا مضيع فلوسه على المظاهر وناسي نفسه

المهم يقدر يظهر ادامها زي ما هي ظاهرة دول اخرتهم سلطة ويا عين احلى سلطة ..

البنت الواعية المثقفة

قفل يا عم دي تاخدها من غير كلام عملة نادرة بس تكون امك دعيالك بس تلاقيها فين ؟

دور الكنوز لازم نتعب حتى نوصلها دي بقى تفتح بيت وتعمل عيلة مشرفة يا رب انت

تكون اد النوعية دي .

البنت الغيورة

دي بقى مصيبة الغيرة جميلة بس الي تبقى عاملة فيها ظابط شرطة وتقرف عيشتك باسئلتها

يمكن تفكر ان ده حب يا عم اصحى ده تملك وهي بغريزتها مش عاوزة واحدة تنافسها

دي بقى ولا مركافا توقف ادامها اهرب وما تبص وراك دي ان انتقمت خربت بيتك والبيت الي جنبه

الغيرة جميلة لما تترفع لمستوى الاخلاق وتزين العلاقة بلمسات تدغدغ القلب .

البنت المصدومة بحب غدار

عايشة بكتاب التاريخ تقولها حبي من جديد تقولك الماضي علمني كتير يا ستي بصي ادامك

التاريخ اتكتب واتقراء خليك بنت النهاردة مش كل الناس زي بعض اصحي من فيلم يا ناسيني

بلاش تشوفي افلام هندي وبلاش تكتبي الم من ماضي يا بنتي الدنيا ماشية بينا افتحي قلبك وبلاش

تعيشي هباب حاتفضلي عاملة فيها مجروحة من الحب ويا رب يا تواب وتكتبي بقى بجروح البشر

والم الفراق والعذاب حاتفضلي كده لحد ما هتلر يهجم على قلبك وتستاهلي بقى كل الخراب ..
.................................................. .................................................. .

والله مش عارف وانا بكتب ان الموضوع حايكون بالكبر ده حاجات جت ببالي

بس ما انتهى ده بقى زي مسلسل له بقية اصل عالم المرأة عاوز موسوعات

وان شالله نكتب البقية ...

والي شايفة كلامي غلط وهي مش من اي نوع من ول تنتظر البقية

يلا يا رب البنات ما يزعلو منى

تحياتى

أبو معتز

مشكووووووووووور

مشكووووووووووور

جزاكـ اللهـ كلـ خير