بطلت أحب وأعيش دنياي مرتاح
حتى الهوى غيرت فيه اتجاهي
لاحزن لادمعه ولاذل وجراح
لاقلب مشغول ولافكر ساهي
بدلت كلمات الغزل جد وصياح
لاعاش من يقدر يعكر مزاجي
اباخذ الدنيا دلع لعب وافراح
أبغى كذا أعيش دنياي لاهي
************


لي عزة(ن) كنها حوت بعض الاشجار
اموت واقف ما انحني للهواني
انا عريب الجد من نسل الاحرار
بين الجدي وسهيل هذا مكاني

***************

ان جيت من غرب انا لاروح من شرقا
لابارك الله في درب فيك يجمعني
وياللي على فراقه عيوني غدت غرقا
كلي من اقصاي في حبك مغرقني
واللي طحا الارض وخلا هالسماء
زرقا لعلمك كيف تندم يوم تهجرني
**********


وفر كلامك ورني عرض الاكتاف
قلبي كره هرجك ولا هوب مجبور
ترى القلوب بطبعها شي شفاف
الكسر فيها صعب تلقى له جبور
ولا تحسب إني من الهجر بخاف
ياشيخ خذ حبك وقلبك ومشكور
***********

والله لو تبعد فلاهمني رضاك
واسمع كلامي زين دام أنت هادي
ماكنت شي وشلون ازعل لفرقاك
عادي وجودك كان .. وان رحت عادي
جايز أكون أول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مــد الأيادي

*************

لو تباعدنا غدا الكون الكبير
شارع مظلم وتبكيه البيوت
جائز الوضع من بعدك خطير
وجائز إن الهم في صدري يفوت
بس شي واحد محال إنه يصير
ما أذل النفس لجلك لو تموت

*************

شيلي من راسك حكاية ترجعي
مابقالك في فؤادي متسع
أنت جرح كان في طرف إصبعي
وابصراحه ماأذكر في إي صبع

شفت الأذى منك ومن دون تقصير
زدت الجروح اللي سببها حناني
النفس طابت ما تبي منك تفسير
لا تحسب إني ارتجي من نساني
ما جيت أبي منك محبه وتقدير
حتى ولو دمعك وقلبك دعاني
أبشرك قلبي من غيابك بخير
رغم الجروح اللي بكتها الأماني
************

آه يلي في نهاية حبنا أنتي اللي بديتي
آه يا صدمة ويا غلطة حياتي
كنتي حلمي كنتي فرحي كنتي ناسي
كنتي بيتي كنتي أنتي الروح واغلي من غلاتي
ياكثر ماعطيتك وأنتي أكثر من خذيني
كنت ساكت ما أتكلم واعبر عن سكاتي
والمصيبة كل ما قدمت لعيونك نسيتي
ودي اعرف بس شي واحد
ويــــــن راحت تضحياتي ؟؟

حالي بعدكم حال من يطرد الثار
لأخوة .. واللي قاتل أخوه عمه
أبوه قال النار ماتطفي النار
وآمه تقول أخوك لا يضيع دمه
زود على همه من الوضع محتار
يتبع رضى أبوه وإلا رضي أمه !!

نجيني مشتاق وأقول ما أبيك

يا لطيف